SIMBA SC YAKAMILISHA UJENZI WA DUKA LA VIFAA VYA MICHEZO

Duka la Simba la vifaa vya michezo lililopo katika jengo la timu hiyo Mtaa wa Msimbazi, Kariakoo jijini Dar es Salaam.

KLABU ya Simba imekamilisha ujenzi wa duka la vifaa vya michezo lililopo katika jengo la timu hiyo Mtaa wa Msimbazi, Kariakoo jijini Dar es Salaam.
Katibu Mkuu wa klabu hiyo, Evodius Mtawala alimwambia mwandishi wetu kuwa, uzinduzi wa duka hilo unatarajiwa kufanyika siku yoyote wiki ijayo.
Mtawala alisema kuwa, pembeni ya duka hilo kutakuwa na ofisi za katibu mkuu, mhasibu na ofisa habari.
Duka hilo linatarajiwa kuuza vifaa kama jezi, mipira, viatu vya michezo, soksi za michezo, bendera za timu na kadhalika.

Zifuatazo ni picha za duka hilo:

Ngazi ya kuelekea kwenye duka hilo lililopo ghorofa ya pili ya jengo la Simba.

Ofisi ya katibu mkuu, ofisa habari na mhasibu iliyopo pembeni ya duka hilo.

Fundi akimalizia marekebisho madogo madogo.