FILAMU YA SHOGA ILIVYOZINDULIWA

Mbunge wa Jimbo la Kinondoni Idd Azan (kushoto) akifurahia na kupiga makofi baada ya kuzungumza jukwaani nakumualika mtunzi wa filamu ya Shoga, Tino, anayezungumza kuhusu maudhui ya filamu hiyo iliyozinduliwa Ijumaa usiku kwenye Ukumbi wa Travertine Magomeni. Kulia ni Mkurugenzi wa Kampuni ya Sofia Records, Mussa Kisoki.

KATIKA kuonyesha jitihada za kuwasaidia vijana wanaojaribu kujikwamua kimaisha na hasa wale wanaoonyesha kufaiti katika kutafuta maisha, Mbunge huyo aliweza kutoa ahadi ya kuwasaidia wanamuziki wa bendi mpya ya Mapacha Watatu, Khalid Chokoraa, Kalala Junior na Jose Mara, walioanzisha bendi hiyo siku za hivi karibuni na wawili kati yao kuamua kuachana na habari ya kuajiriwa katika bendi na badala yake wakaamua kujiajiri kwa kufanya kweli na kuwekeza zaidi katika bendi yao ya Mapacha Watatu.
Idd Azan, alitoa ahadi ya kuwasaidia vijana hao kwa kuwasaidia kurekodi nyimbo zaidi ya tano kwa muda wowote watakapokuwa tayari kufanya hivyo.
Mbali na Idd Azan naye mkurugenzi wa Sofia Records, Mussa Kisoki (kulia) alitoa ofa kwa vijana hao ya kurekodi wimbo mmoja na video yake bure katika Studio yake iliyopo maeneo ya Koma Koma Mwananyamala. Ahadi hizi zilitolewa na vigogo hao baada ya kufurahia kazi nzuri iliyotolewa na vijana hao jukwaani walipoonyesha umahiri wao wa kuimba na kucheza kwa bidii na kuwapagawisha mashabiki lukuki waliofurika ukumbini humo kushuhudia uzinduzi huo wa Filamu ya Shoga.
Mbunge wa Kinondoni, Idd Azan, akibonyeza kitufye ikiwa ni ishara ya uzinduzi wa Filamu mpya ya Shoga, iliyozinduliwa jana kwenye Ukumbi wa Travertine, Magomeni jijini Dar es Salaam. Nyuma ya Mbunge huyo ni nyota na mtunzi wa Filamu hiyo, Hisani Muya Tino.
Mbunge wa Kinondoni, Idd Azan, akisebeneka na miondoko ya Mapacha Watatu baada ya kunogewa na kuamua kusimama kuelekea kutunza huku akijisebenesha tartiiiib.

Madada Mahiri maarufu kwa jina la Khanga moja kutoka maeneo ya Mwananyamala Dar es Salaam, wakionyesha umahiri wao wa kucheza miondoko ya Taarab kwa miondoko ya kipekee, wakati wa uzinduzi huo.


Hawa pia ni baadhi ya mashabiki wa filamu waliohudhulia uzinduzi huo wakiwa Ukumbini humo.
Mapacha Watatu, kutoka (kushoto) ni Khalid Chokoraa, Jose Mara na Kalala junior, wakishambulia jukwaa, wakati wa uzinduzi huo.
Rapa na Mwimbaji wa bendi ya Mapacha Watatu, Khalid Chokoraa (wa pili kushoto) na Kalala Junior (wapili kulia) wakishambulia jukwaa na wanenguaji wa bendi hiyo, wakati wa uzinduzi wa Filamu mpya ya Shoga uliofanyika kwenye Ukumbi wa Travertine Magomeni Dar es Salaam.