DIDA AVUTA KIDUME KIPYA

Isha Ramadhan 'Isha Mashauzi' akiimba wimbo wa husia kwa wanandoa hao

Dida na mmewe wakisakata luhba mahali hapo

Isha mashauzi akiporomosha nyimbo kwa wageni waarikwa.

Dida na mmewe wakishirikiana kukata keki tayari kwa kulishana

Dida na mmewe wakirisha keki

Dida akikabidhi zawadi kwa wazazi wa bwana harusi

Bwana harusi akikabidhi keki kwa wazazi wa bibi harusi

Maharusi wakiwa wameketi kwenye meza kuu

Mzee Yusuf, akitoa burudani kwa wageni waarikwa

Baadhi ya waalikwa wakiburudika kwa muziki wa mwambao

Bwana harusi akichukua chakula mara baada ya kukaribishwa

Maharusi wakiwa kwenye meza kuu tayari kwa kupata chakula cha usiku

MTANGAZAJI wa kipindi cha Mitikisiko ya Pwani, kinachorushwa hewani kupitia kituo cha Times FM, Khadija Shaib ‘Dida wa G’, juzikati , alisheherekea harusi ya kuolewa kwake, na mwanamume mwingine aitwaye Gervas Mbwiga, ambapo watu walifurahi na kuburudika vilivyo, Risasi Mchanganyiko lina data kamili.

Sherehe za haruri hiyo zilizoshuhudiwa hatua kwa hatua na paparazzi wetu, hizo zilifanyika Julai 17 mwaka huu, ndani ya Ukumbi wa New Msasani Club jijini Dar es Salaam, na kuhudhuliwa na watu kibao kutoka pande mbalimbali za jiji.

Yaliyojitokeza kwenye sherehe hiyo ni pamoja na na ukumbi huo kuwa na joto la kukithili, ingawa dakika chache kabla ya shughuli hiyo kumalizika, umeme ulirudi na kuwashwa viyoyozi ukumbini hapo.

Katika burudani, sherehe hiyo ilitawaliwa na bendi za mwambao, ambapo kundi zima la Mashauzi Clasic Bendi, lilitumbuiza chini ya mmiliki wake Aisha Ramadhani 'Isha mashauzi', huku Mzee yusufu naye akikonga nyoyo za wageni waarikwa kwa niaba ya kundi lake la Jahaz Modern Taarab.

Chakushangaza zaidi kwenye hafla hiyo, ni kukosekana kwa mastaa wa filamu kama ilivyotalajiwa tangu awali kufuatia uhusiano wa karibu na mastaa hao mtangazaji huyo, ambaye mshenga wake alikuwa ni mtangazaji wa kituo cha runinga cha Star TV, Sauda Mwilima.

Hii ni ndoa ya pili kwa mtangazaji huyo ambapo awali alikuwa ameolewa na Mohaned Mchopanga'Mchopsi', ambaye alizaa naye motto mmoja wa kike, kabla ya kuachana.